Isabel Castillo comezou a dedicarse ó Dereito de Familia de forma paralela á aprobación da primeira lei do divorcio no ano 81; dende entón, converteuse na súa principal área de actividade profesional.

Consciente da especial necesidade dunha constante formación lexislativa, xurisprudencial e doutrinal, participa regularmente en xornadas e cursos relativos ao seu eido de traballo e impartiu clases de dereito de familia na Escola de Práctica Xurídica de Santiago.

A vontade do seu equipo é prestar un asesoramento que, por afectar a un ámbito tan íntimo como é o familiar, xunte a profesionalidade e a proximidade no trato co cliente, dando unha resposta individualizada para cada conflito que se presente.

Asociada nº 1482 da AEFA